Braziliyanın şimalındakı Riu-Qrandi-du-Norti ştatında yerləşən həbsxanadan 91 məhkum qaçıb.
Mynews.az Oxu.az-a istinadən xəbər verir ki, bu barədə “Telesur” məlumat yayıb.
Məlumata görə, məhkumlar dan yeri ağararkən 30-40 metrlik tunellə həbsxanadan qaçıblar. Digər məhkumlar isə nəzarətçilərin diqqətini yayındırmaq üçün həbsxananın içində qarışıqlıq yaradıblar.
Təhlükəsizlik qüvvələri Paraiba və Riu-Qrandi-du-Norti ştatları ilə sərhəddəki 36 şəhərdə məhkumların axtarışı əməliyyatına başlayıblar. Qaçan məhkumlardan 8-i tutulub.
Həbsxananın rəhbərliyi bildirib ki, məhbusların qaçmasından sonra əraziyə iki avtomobil və motosiklet gəlib. Məhkumlar mülki forma geyinməyə müvəffəq olublar.
Qeyd edək ki, 2017-ci ilin yanvarında həmin həbsxanadan 14 məhkum qaçıb.
