General həyəcan təbili çaldı: “Ordu müharibəyə hazır deyil”

Dünya

19:58 05.02.2017

“Hücum olacağı təqdirdə ölkə özünü müdafiə qabiliyyətinə malik olmayacaq”.

Bu barədə Britaniya mətbuatında məqalələr yer alıb. Məlumatlarda bildirilir ki, Britaniya ordusuna məxsus hərbi-dəniz donanmasının gəmiləri, pilotuz təyyarələr və zirehli texnikanın xarakteristikası ölkəni müdafiə etməyə imkan vermir. 

“The Sunday Times” yazır ki, məhz buna görə də güclü hücum olacağı təqdirdə Silahlı Qüvvələr Britaniyanı müdafiə edə bilməyəcək.

«Eskadra minadaşıyanları ekspulatasiya dövründə elə bərkdən səs salırlar ki, onlar hətta Rusiya sualtı qayıqları tərəfindən 160 km məsafədə də dərhal hiss ediləcəklər”,- deyə kontr-admiral Kris Parri bildirib. 

Məqalədə o da vurğulanıb ki, orduya yaxın zamanda alınan “Ayaks” BMP-si ölçüsünə görə o qədər böyükdür ki, onu hətta hərbi nəqliyyat təyyarəsində daşımaq mümkün deyil. 

Son 12 ildə sifariş edilən 54 kəşfiyyatçı pilotsuz təyyarənin ümumi dəyəri 1,5 milyard dollar olub. Ancaq onlar da texniki problemlərə görə hələ orduya qəbul edilməyib.