ABŞ-da “San Francisco Giants” və “Washington Nationals” beysbol komandalarının matçı zamanı idmançılar arasında kütləvi dava olub.
Mynews.az-ın məlumatına görə, Oxu.Az bu barədə The New York Times-a istinadən xəbər verir.
Davanı Vaşinqton komandasının üzvü Brays Harper salıb, səbəb isə digər kollektivin oyunçusu Hanter Striklendin ona vurduğu zərbə olub.
Kadrlarda Harperin dəbilqəni kənara ataraq Striklendə tərəf qaçması görünür, daha sonra idmançılar bir-birinin üzünə zərbələr vururlar. Bir neçə saniyə sonra hər iki komandanın idmançıları arenaya çıxır və kütləvi dava başlayır.
Matç yalnız oyunçular sakitləşdirildikdən sonra davam edib. Görüşün qalibi 3:0 hesabı ilə “Washington Nationals” olub.
