İŞİD-in seks köləsi olan qadın kəndinə qayıtdı Yaşadığı dəhşətləri anlatdı

Dünya

17:31 02.06.2017

2014-cü ildə İŞİD tərəfindən qaçırılan və cinsi istismara məruz qalan qadın İraqdakı kəndinə qayıdıb.

Qadının başına gələnlər onu dinləyənin qanını dondurub. Qadın bildirib ki, əvvəlcə kişiləri öldürdükləri kimi qadınları da öldürəcəklərini düşünsələr də, terrorçular onları zorlayıblar.

İraqın şimali-qərbindən qaçırılan 7 min qadından biri olan Murad 2014-cü ildə Koçoda yaşayıb. 400 min yəzidi kürdünün yaşadığı bölgədən qaçırılanlardan biri olan Murad aylarla İŞİD terrorçuları tərəfindən Mosulda cinsi istismara və işgəncəyə məruz qalıb.

Azadlığına qovuşan Murad "Nobel Sülh Mükafatı" namizədi və BMT-nin xoşməramlı səfiri olub. İŞİD-dən qurtularaq Koçoda oxuduğu məktəbi ziyarət edib.

O, hələ də 3500 qadının İŞİD-in əlində seks köləsi olduğunu bildirib. Muradın sözlərinə əsasən, avropalı, səudiyyəli, tunisli və digər ölkələrdən gələn terrorçular qadınları zorlayır və bir-birinə satırlar.

Bundan başqa qadın bölgədə 7 kütləvi məzarlığın olduğunu da qeyd edib.

ölke.az