Əfqanıstanda Asfa-Tol kəndində və Badahşan və Parvan əyalətlərində qar uçqunu nəticəsində ölənlərin sayı 119 nəfərə çatdı.
Bu barədə yerli “Pajvak” agentliyi məlumat yayıb.
Bundan başqa, 89 nəfər müxtəlif dərəcəli xəsarət alıb. Yüzlərlə insan itkin düşüb, onların axtarışı davam edir. Daha öncə 104 nəfərin öldüyü haqda məlumat yayılmışdı.
08:44
Əfqanıstanda qar uçqunlarında ölənlərin sayı 100 nəfəri ötüb.
Mynews.az APA-ya istinadən verdiyi xəbərə görə, Nuristan əyalətində iki yaşayış məntəqəsi qar altında qalıb.
Kəndlərin birində xilasedicilər 50 nəfəri uçqun altından çıxararaq xilas edib.
Uçqunlara səbəb üç gün ərzində aramsız yağan qar olub.
Əfqanıstanın təbii fəlakətlərin nəticələrinin ləğvi üzrə naziri Ömər Məhəmmədi deyib ki, Təbii fəlakət nəticəsində 168 ev dağılıb, 340 baş mal-qara ölüb.
