Portuqaliyanın Pedroqao Qrand bölgəsində meşədə çıxan yanğın nəticəsində 57 nəfər dünyasını dəyişib.
Mynews.az xarici mediaya istinadən xəbər verir ki, paytaxt Lissabondan 200 km məsafədə yerləşən yanğını söndürmək üçün 600 nəfər yanğınsöndürən səfərbər olunub. 57 nəfərin öldüyü, 59 nəfərin yaralandığı, 2 nəfərin itkin düşdüyü hadisənin səbəbi hələlik bilinmir. Ölən və yaralananların sayının artacağı gözlənilir. Portuqaliyanın baş naziri Antonio Kosta hadisəni son illərdə baş verən ən böyük tragediya anlandırıb.
