Sakit okeanda, Tonqa Krallığı sahillərində 6,2 bal gücündə zəlzələ baş verib.
Unikal.org-un RİA Novosti agentliyinə istinadən verdiyi xəbərə görə, bu barədə ABŞ Milli Geologiya Xidmətinin məlumatında bildirilir.
Zəlzələnin episentri Tonqanın paytaxtı Nukualofa şəhərindən 209 km şimal-qərbdə, ocağı isə 38 km dərinlikdə yerləşib.
Dağıntı və zərərçəkənlər barədə məlumat yoxdur. Sunami təhlükəsi elan edilməyib.
