Tailandın Amnatçaren bölgəsinin sakinləri qeyri-adi xahişlə polisə müraciət ediblər.
Mynews.az teleqraf.com-a istinadən xəbər verir ki, kəndlilər polisdən onları bölgədə dolaşan ruhdan qorumağı xahiş ediblər.
Onlar bildiriblər ki, bu ruh insan və heyvan bədənlərinə girərək, qurbanlarını içəridən yeyir. Ruh artıq 4 heyvanı öldürüb, 4 kəndli isə ondan əziyyət çəkir.
Kəndlilər qorxularından növbə ilə keşik çəkməyə başlayıblar. Sakinlərin sözlərinə görə, ruh qadın cildində insanlara yaxınlaşır və onların bədəninə daxil olur.
Qeyd edək ki, bu, Tailandda birinci belə hal deyil. Yerli sakinlər bu ölkədə 20 fərqli ruhun yaşadığına inanırlar.
