Ağ Ev ABŞ prezidenti Donald Trampın xarici liderlər ilə telefon danışıqlarından məlumatların sızması ilə bağlı araşdırmaya başlayıb.
Mynews.az-ın məlumatına görə, Oxu.Az “The Hill”ə istinadən xəbər verir ki, bu barədə Ağ Evin mətbuat katibi Şon Spayser bəyan edib.
“Bəli, çox narahatıq və məsələni araşdırırıq. Bu sayaq sızıntılarda mövcud protokol və qanunlar pozulub”, - o qeyd edib.
Mətbuat katibinin sözlərinə görə, D.Tramp yüksək vəzifəli şəxslərlə danışığının detallarının aşkarlanmasından narahatdır.
“Məlumat sızmasından yayınmadan danışıqların aparılmasının mümkün olmaması faktı narahatçılıq doğurur”, - Spayser əlavə edib.
