Ermənistan səfirliyi qarşısında qanlı gəlinciklər - Londonda aksiya

Ötən həftə Dağlıq Qarabağda qoşunların təmas xəttinə yaxın ərazidə baş vermiş qətliama etiraz olaraq Ermənistanın Londondakı səfirliyi qarşısında aksiya keçirilib.
İyulun 8-də iki yaşlı Zəhranın qanlı cəsədinin fotosunu yaydıqdan sonra Avropa Azərbaycan Cəmiyyətinin (TEAS) fəalları və Azərbaycan diaspor üzvləri Ermənistan səfirliyinin pilləkənləri üzərinə əzilmiş və qana bulaşmış uşaq müqəvvaları qoyublar.
TEAS-dan APA-ya verilən məlumata görə, bu rəmzi aksiyanı diaspor üzvləri Füzuli rayon Alxanlı kənd sakinləri olan iki yaşlı Zəhra Quliyeva və nənəsi Sahibə Quliyevanın təmas xəttinə yaxın ərazidə yerləşmiş işğalçı Ermənistan silahlı qüvvələri tərəfindən qətlə yetirilməsi ilə əlaqələndiriblər.
"Bu fakt dinc əhalinin təhlükəsizliyi təmin etmək məqsədilə 12 Avqust 1949-cu il tarixdə qəbul olunmuş “Cenevrə Konvensiyası” və digər beynəlxalq sazişlərin tələblərinə ziddir.
Ermənilərin mənfurcasına törətdikləri bu vəhşilik Böyük Britaniya, Fransa, Belçika və Avropa Parlamentinin üzvləri, eləcə də BMT, ATƏT, İslam Əməkdaşlıq Təşkilatı və digər beynəlxalq qurumların siyasətçiləri tərəfindən pislənib.
Bu insan faciəsi gündəmə Dağlıq Qarabağ münaqişəsinin həllinin sürətləndirilməsinin və erməni qoşunlarının münaqişə ərazisindən çıxarılmasını tələb edən dörd BMT qətnaməsinin yerinə yetirilməsinin zəruriliyini göstərir", - deyə məlumatda bildirilir.
Dünya
- Bu ölkədə qızılca epidemiyası elan edildi
- “Hücuma keçirik” - İsrailin müdafiə naziri
- İsrail ordusu gecə ərzində HƏMAS və "İslami cihad"ın 500-dən çox hədəfini məhv edib
- Arayik Harutyunyanın həbs olunma anı
- Səlcuq Bayraktar: “Haqlı mübarizəsində can Azərbaycanın yanındayıq” - FOTO
- Ukraynada azərbaycanlılar HƏLAK OLDU - Ruslar tankla üstlərindən KEÇİB + ADLAR
Sizin üçün seçdik
İndi oxunanlar
Həftənin hitləri
- Bakıda aylıq 141 manat ödəməklə mənzil almaq istəyənlərin NƏZƏRİNƏ 971 dəfə oxunub
- Azərbaycanda bu şəxslərə güzəştlər ediləcək - Götürülən kreditlərə... 961 dəfə oxunub
- 2 hərbçi faciəvi şəkildə öldü 929 dəfə oxunub
- Bu ölkədə qızılca epidemiyası elan edildi 553 dəfə oxunub
- Tanınmış aparıcı 3 il sonra efirə qayıtdı - Bu kanalda çalışacaq (FOTO) 195 dəfə oxunub