Fransalı müğənni Barbara Veldens 35 yaşında səhnədə dünyasını dəyişib.
Bu barədə Mynews.az Report-a istinadən xəbər verir.
Veldensin ilk albomu bu ilin fevralında işıq üzü görüb. O, qastrol turu çərçivəsində Qurdon kəndində keçirilən festivalda çıxış edib. Konsertin yarısında onun halı pisləşib.
Ehtimallara görə, müğənninin ürəyi dayanıb. Bəzi məlumatlara görə isə, Veldensi cərəyan vurub.
Polis araşdırmalara başlayıb. Hadisənin təfərrüatları haqqında məlumat verilmir.
