Pakistanda 5 yaşlı qız 22 yaşlı oğlana ərə verilib.
Metbuat.az xəbər verir ki, hadisə ölkənin Daxan şəhəri yaxınlığındakı Raman Şar kəndində baş verib. Onlar üçün təntənəli toy mərasimi keçirilib.
Qeyd edək ki, sözügedən nikah Pakistanda insan hüquqları təşkilatlarının etirazına səbəb olub. Bundan sonra hüquq-mühafizə orqanları faktla bağlı araşdırmalara başlayıb.
Azyaşlı qızı ərə verməyə razı olan ata, nikah mərasimini icra edən din xadimi və təzə bəy həbs edilib.
Pakistan qanunlarına görə, 16 yaşı tamam olmamış qızlar ailə qura bilməz.
