Ortaya çıxan bütün dəlillər teraktda İŞİD terror təşkilatının əlinin olduğunu göstərir.
Mynews.az xəbər verir ki, bu sözləri Türkiyə Ədliyyə naziri Bəkir Bozdağ Yeni il gecəsi “Reina” gecə klubunda törədilən qətliamla bağlı danışarkən deyib.
“Bütün imkanları səfərbər edərək, kameralardan tutmuş ən kiçik dəlillərə qədər araşdıraraq, terrorçunu həbs etdik. Bu, türk polisinin böyük uğurudur. Bu hadisənin İŞİD terror təşkilatı ilə bağlılığı gün kimi ortadadır. İnanıram ki, İŞİD-ə dair mühüm məlumat əldə edəcəyik”, - Bozdağ bildirib.
