ABŞ-ın İmmiqrasiya və Gömrük Polisi (ICE) təhlükəsizliyə təhdiddə şübhəli bilinən 700 nəfəri saxlayıb, onlardan 75%-i əcnəbilərdir.
Mynews.az RİA Novosti agentliyinə istinadən verdiyi xəbərə görə, bunu ABŞ daxili təhlükəsizlik naziri Con Kelli bəyan edib.
“Los-Anceles, Çikaqo, Atlanta, San-Antonio və Nyu-Yorkda ICE əməkdaşları tərəfindən ictimai asayişə, sərhədlərin təhlükəsizliyinə və immiqrasiya sistemimizə təhlükə kəsb edən 680-dən çox şəxs həbs edilib. Onlardan 75%-i xarici ölkələrin vətəndaşlarıdır”, deyə C.Kelli bildirib.
Onun sözlərinə görə, həbslər bir neçə xüsusi əməliyyat nəticəsində ötən həftə həyata keçirilib.
