3 gün əvvəl Trabzonda yol kənarındakı meşəlik ərazidən çılpaq cəsədi tapılan 24 yaşlı Pınar Kaynakın qətlində şübhəli bilinən iki şəxs həbs olunub.
Milli.Az Milliyet-ə istinadən xəbər verir ki, sinə nahiyəsindən bıçaqlanan və başı daşla əzilərək öldürülən qadının kimliyini müəyyən etmək üçün istintaq aparılıb.
Bədənində tapılan döymələr sayəsində gənc qadının 1993-cü il təvəllükdü Pınar Kaynak olduğu üzə çıxıb. Adı açıqlanmayan bir şəxs Pınarın yaxın zamanlarda 4 tanışı ilə bir maşında səyahətə yollandığı deyib.
Dindirilmə zamanı cinayəti üzərlərinə götürən şübhəlilər A.K. və N.B. həbs olunublar.
