Macarıstan Niderlanddakı səfirini geri çağırıb
![](https://img.mynews.az/news/2017/08/photo_22874.jpg)
Macarıstan hökuməti Niderland Krallığındakı səfirini geri çağıraraq diplomatik təmsilçiliyin səviyyəsini müvəqqəti işlər vəkilinə endirib.
Mynews.az Report-a itinadən xəbər verir ki, bu barədə Macarıstan xarici işlər və xarici iqtisadi əlaqələr naziri Peter Siyyarto bildirib.
Buna səbəb Niderlandın Macarıstandakı səfiri Qayus Şeltemin macar mətbuatına müsahibəsində söylədiklərinin olduğu bildirilib. Səfir müsahibəsində Macarıstan hökumətini terrorçulara oxşadıb: “Macarıstan hökuməti düşmən obrazı yaradarkən İslam ekstremistlərinin üsulundan istifadə edir”.
Peter Siyyartonun sözlərinə görə, iki dövlət arasında qeyri-müəyyən müddətədək səfir səviyyəsində diplomatik münasibət olmayacaq.
O, ölkəsinin krallıqdakı səfirliyinin müvəqqəti işlər vəkilinə Niderland Xarici İşlər Nazirliyindən məsələyə dair izahat tələb etməsini tapşırıb: “Bizə açıq-aşkar izahat verilməlidir. Bağlı qapılar arxasında verilən açıqlama bizi qane etmir.
Macarıstana və macar xalqına münasibətdə irad tutmaq icazəsi heç kimə verilməyib”.
Sizin üçün seçdik
İndi oxunanlar
Həftənin hitləri
- Azərbaycan dili üzrə natiqlik çempionatına qeydiyyat başladı 949 dəfə oxunub
- “Nar” rouminq paketləri ilə səyahət daha sərfəlidir! 915 dəfə oxunub
- Turisti geyiminə görə "Mall"-dan QOVDULAR - VİDEO 911 dəfə oxunub
- Həccdə istidən ölənlərin sayı 922 nəfərə çatdı 907 dəfə oxunub
- Ülvi və Fatimə qəzaya düşdü 591 dəfə oxunub