Ermənistanın paytaxtı İrəvanın “Nairit” zavodunda yanğın baş verib.
Mynews.az-ın news.am-a istinadən verdiyi məlumata görə, hadisə zavodun ərazisində, yerli vaxtla saat 13:10-da qeydə alınıb.
Hadisə yerində 6 yanğınsöndürən briqadası cəlb olunub.
Qeyd edək ki, "Nairit" zavodunda xlor kauçuku,karbional, kaustik soda, xlor əhəngi, duru xlor, oksigen, monokarbon turşuları hazırlanır. Zavod strateji əhəmiyyətli zavod hesab edilir.
