USD 1.70
EUR 1,8441
RUB 0.0175
BREND 78.91
Bakı
7°

Kreml Putinin prezidentliyə namizəd olacağı barədə xəbərlərə münasibət bildirib

Dünya
16:53 12.09.2017
Kreml Putinin prezidentliyə namizəd olacağı barədə xəbərlərə münasibət bildirib

Dünya

16:53 12.09.2017

Kreml Vladimir Putinin qarşıdakı prezident seçkilərində növbəti dəfə namizədliyini irəli sürəcəyi ilə bağlı yayılan xəbərlərə münasibət bildirib.

Mynews.az-ın APA-ya istinadən verdiyi məlumata görə, Rusiya prezidentinin mətbuat katibi Dmitri Peskov Putinin prezident seçkilərində iştirak etməsi ilə bağlı qərarını hələlik elan etmədiyini deyib: "Bu məsələdə heç kim qabağa qaçmağa hazırlaşmır. Prezident hələlik qərarını açıqlamayıb. Putinin prezidentliyə namizədliyini irəli sürməsi ilə bağlı KİV-də yayılan məlumatlar hipotetik müzakirələrdir".

Qeyd edək ki, "Kommersant" qəzeti Rusiya Prezident Administrasiyasındakı mənbəyinə istinadən Putinin qarşıdakı prezident seçkilərində namizədliyini irəli sürməyə hazırlaşdığını yazıb. Qəzetin yazdığına görə, namizədliyin irəli sürülməsi iki mərhələdən ibarət olacaq.

Rusiyada prezident seçkiləri 2018-ci ildə keçiriləcək. 


Dünya

Xəbər lenti