Rusiyada pansionat yanıb: Ölən və xəsarət alanlar var

Rusiyada yaşlılar və əlillər üçün nəzərdə tutulmuş pansionatda yanğın baş verib. Mynews.az-ın xəbərinə görə, bu barədə APA TASS agentliyinə istinadən məlumat verir. Məlumata əsasən, yanğın pansionatın üçüncü mərtəbəsində yerləşən istirahət otağındakı televizor və mebelin yanması ilə başlayıb. İvanovsk vilayətində baş vermiş hadisə nəticəsində 7 nəfər xəsarət alıb, 2 nəfər ölüb. 112 nəfər təxliyə edilib. Hadisə ilə bağlı araşdırma aparılır.