İŞİD terror təşkilatı küçədə edam prosesini icra etdiyi zaman gözlənilməz hadisəylə qarşılaşıblar.
Böyük Britaniya Müdafiə Nazirliyi mayın 9-da lentə alınan İŞİD terrorçularının Suriyada edam prosesini icra etdiyi zaman pilotsuz uçan aparatdan endirilən hava zərbəsinin görüntüsünü yayıb.
Belə ki, Kral Hava Qüvvələrinə məxsus pilotsuz uçan aparat edam mərasiminin qarşısını almaq üçün əraziyə nəzarət edən snayperə havadan atəş açıb. Aviazərbə nəticəsində edam mərasimi dağılır və insanlar hərəsi bir yana qaçır.
Böyük Britaniyanın müdafiə naziri Maykl Fallonun açıqlamasına görə indiyədək Kral Hava Qüvvələri Suriya və İraqda 1500-dən çox əməliyyat həyata keçirib və 60 min İraq Təhlükəsizlik Qüvvələri əsgərinə hərbi təlim keçib.
