“Facebook”un qurucusu Mark Zukerberq öz hesabında paylaşdığı videoda Rusiya ilə bağlı qalmaqallı iddialar səsləndirib.
Publika.az xəbər verir ki, o, Rusiyanın ABŞ-da keçirilən prezident seçkilərinə müdaxilə etdiyini və bunu feysbuk vasitəsilə həyata keçirdiyini bildirib.
M.Zukerberq Rusiyanın seçki kampaniyası ilə bağlı 3000 siyasi reklam paylaşdığını və bu bilgiləri ABŞ diplomatları ilə bölüşəcəyini də deyib.
M.Zukerberqin bu iddialarına Kremlin sözçüsü Dmitri Peskovun cavabı gecikməyib:
“Feysbukda hansı reklamların yerləşdirildiyini bilmirik. Heç vaxt bu cür işlərlə məşğul olmamışıq. Rusiyanın bu mövzu ilə heç bir əlaqəsi yoxdur”.
