İsveçrədə hava satmağa başladılar

İsveçrədə dağ havasını xaricə satmağa başlayıblar.

Trend-in verdiyi məlumata əsasən, satışa başlayan Swiss Alpin Air startapı bununla dünyanın daha çox çirklənmiş şəhərlərini təmiz hava ilə təmin etməyə ümüd edir.

"Hər il Alp dağlarına ruhlandıran görüntülərdən həzz almaq və tər-təmiz dağ havası ilə nəfəs almaq üçün turistlər gəlir. Bu sadəcə bizdə olan təmiz havanın ixracıdır. Biz artıq İsveçrə suyunu, şokoladını və pendirini satırıq. Niyə də təmiz havanı ixrac etməyək?!", - deyə istehsalın yaradıcıları izah edirlər.

Hava internet saytında 7-litrlik qablaşdırmada satılır. Bu hava 120 dəfə nəfəs almaq üçün kifayət edir.