ABŞ Dövlət Departamentinin Avropa və Avrasiya üzrə bürosunun Qafqazla Əlaqələr və Regional Münaqişələr şöbəsinin direktoru Alisia AllisonAzərbaycanda səfərdədir.
Mynews.az xəbər verir ki, ABŞ-ın Azərbaycandakı səfirliyindən APA-ya verilən məlumata görə, səfər ötən gün başlayıb.
Vəzifəsinə yeni təyin olunmuş A. Allisonun Azərbaycana səfəri tanışlıq xarakteri daşıyır. Səfər çərçivəsində o, Azərbaycan, buradakı məsələ və problemlər haqqında geniş məlumat əldə etmək üçün müxtəlif şəxslərlə görüşəcək, danışıqlar aparacaq.
Qeyd edək ki, Alisia Allison bundan öncə Dövlət Departamentinin Xarici Xidmət İnstitutunda siyasi təlim direktoru vəzifəsində çalışıb.
O, ABŞ-ın Moskvadakı səfirliyinin Siyasət Şöbəsində Xarici Əlaqələr bölməsinin rəhbəri, Nikosiyadakı səfirliyin Siyasət Şöbəsinin rəhbəri, Vaşinqtonda Dövlət Departamentinin İcraçı Katibliyinin əməkdaşı olub.
Xanım Allison Mexiko şəhərində və İstanbulda çalışıb.
