Rusiya mətbuatı Moskvanın Ankaraya satacağı "S-400" hava hücumundan müdafiə raketləri barədə yeni iddia ortaya atıb.
Mynews.az ölkə.az-a istinadla xəbər verir ki, iddiaya əsasən, müdafiə sistemlərinin kodları və nəzarəti Türkiyəyə verilməyəcək. Rusiyalı bir rəsminin "gazeta.ru" saytına verdiyi müsahibəyə əsasən, Rusiya tərəfi bu təklifi rədd edib.
Xəbərdə deyilir: "Türkiyə tərəfinə "S-400"-lərin sisteminə aid elektron kodların hamısını və daxili mexanizmləri verməyəcəyik. Müqaviləyə əsasən, texniki dəstək və təmir işlərini biz görəcəyik. Onlar isə bu sistemlərin içini açmayacaqlar".
İddiaya əsasən, radarlar da Rusiya tərəfindən qurulacaq: "Türklərin "S-400" daxili mexanizmalarını görmə tələbini qəbul etmədik. Çünki sistemlərin içərisinə bir cismin düşmənə, yoxsa sizin ölkənizə aid olduğunu göstərən rus istehsalı bir radar sistemi qurulacaq".
