Kiprin Yunanıstan hissəsindən Avropaya qaçarkən tutulan suriyalı qaçqınların görüntüləri dünya mediasında diqqət mərkəzində olub.
305 qaçqın xilas ediləndən sonra ailələri ilə görüşmələri üçün düşərgəyə gətiriliblər.
“Kinotrimithia” adlanan qaçqın düşərgəsində ailələri ilə görüşən qaçqınlardan Ammar Hammaşo adlı kişinin oğlu ilə görüşü hər kəsi kövrəldib.
Suriyada inşaatların birində fəhlə kimi çalışdığını deyən kişi düşərgədə oğlunu dəmir barmaqların arxasından öpməyə çalışarkən fotoqraf tərəfindən lentə alınıb. Balaca oğlanın atasına toxunmaq üçün kiçik əlini barmaqlıqların arasına salması görənləri daha da duyğulandırıb.(azxeber.com)
