İtaliyada hoteli qar uçqununun basması nəticəsində bir neçə adam ölüb.
Uçqun yanvarın 18-də Mərkəzi İtaliyada baş verən zəlzələnin ardından gəlib.
Nəticədə Abrutsodakı kiçik dağ hotellərindən biri qarın altında qalıb.
Güman edilir ki, hoteldə işçilərlə birlikdə ümumilikdə 30 nəfər ola bilər.
Hadisə yerinə dərhal xilasedici qüvvələr, polis və yanğınsöndürənlər göndərilib.
Amma uçqun yolları bağladığından hadisə yerinə yetişmək elə də asan olmayıb.
Hakim dairələr hesab edir ki, ölü sayı 30 nəfərə çata bilər.
Mütəxəssislərin sözlərinə görə zəlzələnin mərkəzi paytaxt Romanın təxminən 100 kilometrliyində olub.
Yerli sakinlərin əksəriyyəti ötən ilin avqustunda yüzlərlə adamın ölümü ilə nəticələnən zəlzələdən sonra bu bölgəni tərk ediblər.
Dünənki zəlzələdə 82 yaşlı bir kişi ölüb. O, uçan damın altında qalıb. (azadliq.org)
