Azərbaycanın ən məşhur kitab mağazaları şəbəkəsi olan “Əli və Nino” növbəti dəfə neqativ müstəvidə gündəmdədir.
Bu dəfə kitab mağazası Azərbaycanda rast gəlinməyən başqa bir addım atıb. Beləki mağazada kitab rəflərində kitabla yanaşı pivə satılır. Bu addım qanunla qadağan olunmasa da, ilk baxışdan belə təzadlı görünür. Az qala müqəddəs məfhum olaraq qəbul etdiyimiz kitab rəflərində spirtli içki satışının məntiqi izahı olmadığı da aydındır.
Onu da bildirək ki, mağaza müəllimlər gününə hazırladığı posterlə də diqqətləri özünə çəkmişdi. Həmin gün “Əli və Nino”nun posterində müəllim şəkli pornofilm obrazına bənzər təqdim edilmişdi. Ardınca mağaza bunu montajçının səhvi kimi təqdim etmişdi.
