Avstraliyanın Melburn şəhəri yaxınlığında yüngülmotorlu təyyarə ticarət mərkəzinin üzərinə düşüb.
APA-nın BBC-yə istinadən verdiyi xəbərə görə, təyyarənin göyərtəsində olan 5 nəfər ölüb. Onların ABŞ vətəndaşları olduğu ehtimal edilir.
Təyyarə yerə çırpılandan sonra güclü yanğın baş verib. Həmin vaxt ticarət mərkəzi bağlı olduğundan içəridə adam olmayıb.
Qəzanın səbəbləri barədə hələ ki, rəsmi məlumat verilmir. İlkin versiyaya əsasən, təyyarənin sağ mühərriki havaya qalxdıqdan sonra sıradan çıxıb.
