İraqın baş naziri Heydər əl-Abadi Türkiyədə rəsmi səfərdədir.
Mynews.az bu barədə Оxu.Az istinadən xəbər verir.
Esenboğa hava limanında onu Türkiyənin gömrük və ticarət naziri Bülent Tüfenkçi qarşılayıb.
Türkiyə prezidenti Rəcəb Tayyib Ərdoğan İraqın baş nazirini öz iqamətgahında qəbul edəcək.
Daha sonra iki ölkənin baş nazirləri - Binəli Yıldırımla H.Abadi arasında Çankaya köşkündə görüş keçiriləcək.
Görüşlərdə Türkiyə-İraq əlaqələrinin inkişafı, bölgədəki vəziyyət müzakirə ediləcək.
