Qırğızıstan Respublikasının keçmiş baş prokurorunun qardaşı öldürüldü

Dünya

10:42 06.11.2017

Qırğızıstan Respublikasının keçmiş baş prokuroru, hazırda ölkə parlamentində müxalifəti təmsil edən deputat Alida Salyanovanın qardaşı Ulan Salyanov güllələnərək öldürülüb.

Mynews.az Oxu.Az a istinadən xəbər verir ki, bunu keçmiş baş prokurorun vəkili Ulan Cumakov “Facebook” səhifəsində yazıb.

O qeyd edib ki, maskalı və silahlı şəxslər Ulan Salyanovun mənzilinə hücum edərək, onu qətlə yetiriblər. Keçmiş baş prokurorun 1975-ci ildə anadan olmuş qardaşı aldığı güllə yarasından ölüb.

Qırğızıstan Respublikasının Daxili İşlər Nazirliyi hadisəni hələlik şərh etməyib.

Müxalifətdə olan “Ata-Meken” Partiyasından deputat olan Aida Salyanova Bişkek şəhəri Lenin rayon Məhkəməsinin qərarı ilə bu il oktyabrın 10-da əmlakı müsadirə olunmaqla, 5 il müddətinə azadlıqdan məhrum edilib. Ancaq onun himayəsində azyaşlı uşaq olduğundan hökmün icrası körpələr 14 yaşına çatanadək təxirə salınıb.

Qeyd edək ki, 2016-cı ilin sonunda Qırğızıstan Respublikasının Baş Prokurorluğu A.Salyanovaya qarşı ədliyyə naziri işlədiyi müddətdə vəzifə səlahiyyətlərini aşmaq maddəsi ilə cinayət işi açıb.