İki ölkə raketlərin açıq hədəfi olacaq TƏHDİD

Dünya

19:41 07.11.2017

Yəməndə İran tərəfindən dəstəklənən husilər Səudiyyə Ərəbistanı və Birləşmiş Ərəb Əmirliklərini (BƏƏ) təhdid edib.

Publika.az AFR agentliyinə istinadən xəbər verir ki, husilər Səudiyyə Ərəbistanı və BƏƏ-nin dəniz limanları, aeroportları və sərhəd-keçid məntəqələrini vura biləcəklərini açıqlayıb.

Xatırladaq ki, noyabrın 5-də Yəməndən Ər-Riyada ballistik raket hücumu həyata keçirilib. Səudiyyə Ərəbistanının havadan müdafiə üzrə anti-raket sistemi Ər-Riyad şəhərinin şimal-şərqində ballistik raketi zərərsizləşdirib.

Səudiyyə Ərəbistanı Yəməndən edilən ballistik raket hücumlarında İranı ittiham edib. Ər-Riyad Kral Xalid Beynəlxalq Hava Limanına qarşı həyata keçirilən raket hücumunu İranın “müharibə elanı” kimi qiymətləndiriləcəyini açıqlayıb. Bəyanatda bildirilib ki, husilərin İranın dəstəyi olmadan belə bir hücum həyata keçirməsi qeyri-mümkündür.

Səudiyyə Ərəbistanının xarici işlər naziri Adil əl-Cubeyr də İrana hər hansı formada mütləq cavab veriləcəyini vurğulayıb.