Sükan arxasında yuxulayan sürücülər üçün yeni papaq hazırlanıb.
Publika.az xarici mediaya istinadən xəbər verir ki, “Ford” şirkəti tərəfindən hazırlanan papaq sürücünü yatmağa qoymur.
İxtiraçılar beyzbol papağına nəzarətçi, akselerometr, qiroskop və parlaq işıq diodu quraşdırıblar. Sürücü mürgüləmək istəyəndə, başı sağ və ya sola əyiləndə zəngli saat işə düşür. Zəng işə düşən kimi işıq yanır və sürücünü yatmağa qoymur. Zəng və işıq papağa tikilib.
Yaxın zamanda papağın sınaqdan keçiriləcəyi gözlənilir. Sınaqlardan uğurla keçdiyi halda, o ABŞ və Braziliyada istifadə ediləcək. Onun hələ ki başqa ölkələrə satılması planlaşdırılmır.
