Sinqapurda 28 yaşlı qız dəhşətli hadisə törədib.
Metbuat.az-ın məlumatına görə, gecə klubunda işləyən 3 uşaq anası Siti Zahara adlı xanım iş yoldaşı 31 yaşlı Lena Rahmat adlı qadınla mübahisə edib. Əsəblərinə hakim ola bilməyən Zahara yerə yıxılan rəfiqəsinin üzünə 14,5 sm-lik dikdabanla zərbələr endirib.
Nəticədə o sol gözündən xəsarət alıb. Görmə qabiliyyətini itirən qadının gözünə protez taxılıb. Günahkara isə 16 ay həbs cəzası və 6 min dollar cəza kəsilib.
Qeyd edək ki, hadisə iki il əvvəl baş versə də, məhkəmə prosesi bu həftə baş tutub.
