Türkiyə Silahlı Qüvvələri və Azad Suriya Ordusu Əl Babı ələ keçirməsinin ardından sürətlə Suriyanın cənubuna doğru hərəkət etməyə başlayıb.
Mynews.az Türkiyə mətbuatına istinadən xəbər verir ki, türk əsgərləri qısa bir müddətdə Hələbin 10 kilometrliyində yerləşən Tadif qəsəbəsini ələ keçiblər. Bundan sonra, qəsəbədə olan İŞİD üzvləri Raqqaya doğru qaçmağa başlayıblar. TSK və ASO qəsəbənin mərkəzinə doğru irəliləyir.
Qeyd edək ki, Rusiya Müdafiə nazirliyi Əl Babın cənubunda strateji Tadif qəsəbəsinin Əsəd rejimi tərəfindən ələ keçirilməsi üçün, əməliyyat həyata keçrildiyini bildirmişdi. Lakin, TSK və ASO-nun ani bir hücumu ilə Rusiyanın bu planı baş tutmayıb.
