"Ölkə.Az" xəbər verir ki, bir nəfər şəhər sakini itinin üstünə soyuq su tökərək 32 dərəcə şaxtada donmaq üçün küçəyə atıb. İti veterinara çatdırsalar da, onu xilas etmək mümkün olmayıb.
"Siberian Times"ın xəbərinə əsasən, adı açıqlanmayan şəxs itinin üstünə soyuq su töküb çölə atıb. Zavallı it 32 dərəcə şaxtada hərəkət edə bilməyib və donmağa başlayıb. Təsadüfən xilas edilən itin bədəninin yarısı buz imiş. Amma veterinarların müdaxiləsinə rəğmən onu xilas etmək mümkün olmayıb.
Şəhər əhalisi itin sahibinin cəzalandırılmasını tələb edir. Bu məqsədlə internetdə imza kampaniyası başlayıb. Məsələyə millət vəkilləri də qarışıb.
