“Ölkə.Az” xəbər verir ki, Ərdoğan çıxışı zamanı Türkiyənin ana müxalif Cümhuriyyət Xalq Partiyasının (CHP) lideri Kamal Kılıçdaroğlunun ittihamlarına cavab verib. Onun sözlərinə görə, CHP ana müxalifətdən çıxıb və ana xəyanət partiyası olub.
“Haqqımda olan-olmaz danışılır. Bildirilir ki, guya əllərində çox ciddi qanun pozuntusu ilə əlaqədar sənədlər var. Kılıçdaroğlunun sözlərinə görə, guya mən xaricə milyonlarla dollar göndərirəm. Dövlət büdcəsini talayıram. Sübutun varmı? Yoxdur! Ola da bilməz! Köhnə söhbətləri qızdırıb yenidən gündəmə gətirmək istəyirlər. CHP ana müxalifətdən çıxıb, artıq ana xəyanət partiyası olub”, - deyə Ərdoğan bildirib.
Ərdoğan çıxışı zamanı Türkiyənin bu il ərzində qazandığı uğurları, Dövlət Büdcəsinə gələn gəlirləri açıqlayıb.
