İŞİD terrorçuları əsir götürdüyü Suriya pilotunu diri-diri yandırıblar.
Publika.az xəbər verir ki, bu haqda “The Daily Mail” nəşri bildirib.
Nəşrin məlumatına görə, pilot Azzam Eyd 2016-cı ilin aprelində idarə etdiyi MİQ-23 qırıcısının vurulmasından sonra əsir düşüb.
İŞİD pilotun üzərində təşkil edilən divanın videosunu dərc edib. Kadrlardan görünür ki, başı qırxılan, boynuna zəncir keçirilən və narıncı paltar geyindirilən Eyd yandırılır.
Nəşr dəqiqləşdirir ki, bununla terrorçular Suriya ordusunun aviazərbələri üçün qisas alıblar.
