Məhkəmə qərarını eşidən nazir qaçaraq gizlənib
Nazir cinayət şübhəlisi olaraq axtarışa verildi. İstiPress-in məlumatına görə, Hindistanda, Madhya Pradeş vilayətinin xoşbəxtlik naziri Lal Sing Arya şübhəli şəxs qismində istintaqa cəlb edilib. Məhkəmə onun saxlanması haqqında qərar verib. Lakin nazir qərar verilən gündən itkin düşüb.
Arya müxalifətdən olan siyasətçilərdən birinin qətlində şübhəli bilinir. Cinayət hadisəsi 2009-cu ildə baş verib. Aryanın məhkəmə prosesi dekabrın 19-na təyin edilib.
Madhya Pradeş Hindistanın xoşbəxtlik nazirliyi olan yeganə vilayətidir. Nazirlik ötən il təsis edilib. Əsas məqsədi isə insanların öz rifahları üçün potensiallarının fərqinə varmalarını təmin etmək, bunun üçün münbit şərait yaradaraq onları xoşbəxt etməkdir.
Hindistanın ən böyük ikinci vilayətində 70 milyona yaxın insan yaşayır.
