ABŞ-ın Qüdsü İsrailin paytaxtı elan etməsindən sonra baş verən etiraz aksiyalarının növbəti dalğası zamanı dörd fələstinli ölüb.
Mynews.az-ın xəbərinə görə, bu barədə Fələstin Milli Administrasiyasının səhiyyə nazirliyi məlumat yayıb.
Ölənlərin hamısı İsrail polisi ilə toqquşma zamanı güllə yarası alıblar.
İordan çayının Qərb sahilində və Şərqi Qüdsdə cümə namazından sonra toqquşmalara daha da şiddətlənib. Fələstinlilər sərhədçilərə daşlar atmağa başlayıblar. İsrail təhlükəsizlik xidmətlərinin əməkdaşları isə gözyaşardıcı qazdan istifadə ediblər və hücum edən şəxslərə atəş açıblar. Gün ərzində 400-dən çox fələstinli yaralanıb.
