Meyidlər maye halında kanalizasiyaya axıdılır

Dünya

19:43 19.12.2017

Meyidlər maye halında kanalizasiyaya axıdılır

Cənazələrin dəfn edilməsi vəya  yandırılmasından əlavə bəzi ölkələrdə maye halına gətirilmə prosesi də artıq icra olunur. İngiltərənin qərbi Midlands bölgəsində fəaliyyət göstərən Rowley Regis adlı meyid yandırma firması ABŞ-ın bəzi bölgələrində artıq yayılmış bu prosesi İngiltərədə də icra etməyi düşünür. Bunun üçün firma Sandwell bələdiyyəsindən razılıq alıb.

Lakin dəyəri 300 min funt sterlinq olan bu sistemə “Water UK” adlı su şəbəkələri qurumu etirazını bildirib. Kanalizasiyaya töküləcək mayenin ticari tullantı kimi dəyərləndirməyin doğru olmadığını bildirən qurum, ərimiş meyid qalıqlarının kanalizasiyaya axıdılmasını qəbul etməyəcəklərini bildirib.

Qeyd etmək lazımdır ki, prosesin icrası üçün meyid resomator adlanan qurğuya yerləşdirilir. Balon şəklində çəni olan qurğu 152 dərəcədə qızdırılır. Maye halına salınmış 1500 litrlik meyid xüsusi çəndə soyudulur və kanalizasiyaya axıdılır. Proses zamanı bəzi sümümklər toz halına salınıb yaxınlarından xatirə olaraq ailələrinə verilir.