2 aylıq körpə çox nadir rast gəlinən anadangəlmə tük sindromundan əziyyət çəkir.
Sonxeber.az xəbər verir ki, 2 aylıq körpə ayaq barmağını itirmək təhlükəsi ilə üz-üzə qalıb. Çində dünyaya gələn körpənin sağ ayaq barmağı valideynlərinin diqqətsizliyi səbəbindən amputasiya ediləcək.
Belə ki, bu xəstəlik Böyük Britaniyada hər il yenidoğulan 60 uşaqda müxtəlif nahiyələrdə müşahidə edilir. Xüsusilə əl və ayaq barmaqlarının büküklərində inkişaf edən tüklər dəri altında halqavari uzanaraq damarları sıxır. Qan dövranının pozulması nəticəsində barmaq qaralmağa başlayır. Sindrom adətən dörd günlük uşaqlardan 19 aya qədər olan uşaqlarda müşahidə edilir.
Uşağın atasının sözlərinə görə, anası evdə olmadığından uşağa bacısı baxıb. O da heç diqqət etməyib.
Həkimlər ehtimal edir ki, yavaş-yavaş inkişaf edən tüklər kəskin qalınlaşıb. Dayanmadan ağlayan körpənin ayaq barmağında aparılan cərrahi əməliyyatdan sonra tüklər çıxardılıb. Lakin 10 saata yaxın kəskin sıxılma zamanı uşağın ayaq barmağına qan işləmədiyi üçün həkimlər barmağı amputasiya etmək məcburiyyətində qaldıqlarını deyiblər.
