Əfqanıstanın Kunduz bölgəsində ABŞ silahlı qüvvələrinin reallaşdırdığı hava hücumu zamanı "Taliban"ın yüksək rütbəli idarəçilərindən olan Molla Abdul Salam Axund öldürülüb.
Mynews.az Milliyet-ə istinadən xəbər verir ki, "Taliban" Abdul Salamın öldüyü məlumatını təsdiqləyib.
Hücum zamanı Salamla birgə daha 8 "Taliban" xadiminin öldürüldüyü deyilir.
Qeyd edək ki, əfqan səlahiyyətliləri Molla Abdul Salamın əvvəllər də bir neçə dəfə öldüyü haqda məlumat yaymışdılar. Abdul Salam 2015-ci ildə Kunduz şəhərini qısa zaman ərzində ələ keçirən "Taliban" hücumuna rəhbərlik etməsi ilə yadda qalıb.
