USD 1.70
EUR 1,8441
RUB 0.0175
BREND 78.91
Bakı
7°

Rusiya hərbçilərinə mərmidə ismarıc Həma bizimdir

Dünya
13:55 04.01.2018
Rusiya hərbçilərinə mərmidə ismarıc Həma bizimdir

Dünya

13:55 04.01.2018

Terrorçu qruplaşmaların fəaliyyətinin monitorinqi (müşahidəsi) ilə məşğul olan “Directorate 4” kanalı, “Azad Suriya Ordusu” döyüşçülərinin  Rusiyanın “Hmeymim” hərbi hava bazasına atdığı mərminin fotoşəklini yayıb.

Mynews.az xəbər verir ki,  döyüşçülər mərminin üzərinə “ Soçi sizin, Hama isə bizimdir” yazısını həkk edib.

Dekabrın 27-də döyüşçülər hərbi bazanı atəşə tutsa da, hücum “Pansır-S1” zenit-raket kompleksləri vasitəsilə dəf edilib. Hava müdafiə sistemi ekstremistlərin atdığı azı 2 raketi  havada zərərsizləşdirib.

Xatırladaq ki, yanvarın 3-də  “Kommersant” qəzeti  öz mənbələrinə istinadən, “Hmeymim” hava bazasının  dekabrın 31-də döyüşçülərin  hücumuna məruz qaldığı, nəticədə yeddi təyyarənin (dörd ədəd Su-24 bombardmançısı, iki ədəd müxtəlif təyinatlı Su-35C qırıcısı və bir ədəd An-72 hərbi-yük gəmisi) məhv edildiyi ilə bağlı xəbər yaymışdı. Ancaq rəsmi mənbələr yayılan  informasiyanı təsdiq etməyib.


Dünya

Xəbər lenti