Ərdoğan Baxçalının “dəstəkləmə” qərarı ilə bağlı ilk dəfə danışdı

Dünya

15:50 09.01.2018

Türkiyə prezidenti Rəcəb Tayyib Ərdoğan MHP lideri Dövlət Baxçalıya öz minnətdarlığını ifadə edib.

Mynews.az-ın xəbərinə görə, Ərdoğan  partiyasının TBMM-dəki qrup toplantısında MHP liderinin 2019-cu ildə onun namizədliyini dəstəkləyə biləcəkləri haqda açıqlaması ilə bağlı bunları deyib:

“Hörmətli Baxçalının dünən verdiyi açıqlamanı çox dəyərli hesab edirəm. Şəxsim və partiyam adından şükranlarımı çatdırıram”.

O deyib ki, 2019-cu il seçimləri ərəfəsində Baxçalının yerli və milli mövqeyini  özəlliklə vurğulamaq lazımdır:

“Bu yerli və milli duruşla, mövqe ilə birlikdə inanıram ki, ölkəmizdə bizi bölmək, parçalamaq istəyənlər hədəflərinə çata bilməyəcəklər. Bizlər 7 avqust ruhunu yaşamaqda qərarlıyıq. Biriləri deyir ki, “bu, nə deyər, o, nə deyər”. Biz nə deyərik, asas olan budur. Hörmətli Baxçalı ilə bir araya gələrik, ölkəmizin dərdlərini danışarıq, “uyum yasa”larının çalışmasını dostlar həyata keçirər, yolumuza davam edərik”.

(oxu.az)