“Əhrar əş-Şam” terrorçu qruplaşmasının yaraqlıları Suriyanın Həma vilayətinin şimalında yerləşən Maan şəhərində Suriya ordusuna aid tankı məhv edib.
Mynews.az xəbər verir ki, bu barədə terrorçuların regiondakı fəaliyyətinin monitorinqini aparan və videogörüntülər yerləşdirən “Directorate 4” Telegram kanalı məlumat yayıb.
Ekstremistlər vurulan tankın T-72 olduğunu iddia etsə də, zirehli texnikanın modeli haqqında dəqiq məlumat yoxdur. Yaraqlılar hücum zamanı tank əleyhinə “BGM-71 TOW” raket kompleksindən istifadə edib. (oxu.az)
