Ruslar ŞOKDA Fevralın 1-də mövcudluğunu rəsmən dayandırır

Dünya

17:58 10.01.2018

Rusiya Federasiyasının Ehtiyat Fondu 2017-ci ilin dekabrında tamamilə xərclənib.

Publika.az Rusiya KİV-inə istinadən xəbər verir ki, bu haqda ölkənin Maliyyə Nazirliyinin məlumatında deyilir.

“2017-ci ilin dekabrında Ehtiyat Fondunun xarici valyutada (7,62 milyard dollar, 6,71 milyard avro və 1,1 milyard funt-sterlinq) qalıqları tam həcmdə federal büdcənin kəsirinin bağlanması üçün istifadə edilib”,- maliyyə idarəsi izah edib.

Fond 2018-ci il fevralın 1-dən rəsmən öz mövcudluğunu dayandıracaq.

Xatırladaq ki, Rusiyanın maliyyə naziri Anton Siluanov hələ 2017-ci ilin mayında Ehtiyat Fondunun 2017- ci ilin sonlarına qədər tamamilə tükənəcəyini bildirmişdi. Rusiyada iki fond - Ehtiyyat Fondu və Milli Rifah Fondunun fəaliyyət göstərdiyini deyən nazir Ehtiyat Fondunda pul bitdikdən sonra Milli Rifah Fondundan bura pul transferinin ediləcəyini söyləmişdi.

Nazirin sözlərinə görə, Rusiyada bu çatışmazlığın qarşısını almaq üçün başqa resurs yoxdur.

Qeyd edək ki, Ehtiyat Fondunda maksimum vəsait 2008-ci ilin sentyabrında qeydə alınıb. Həmin vaxt fondda 142,6 milyard dollar var idi. Fond neft-qaz gəlirlərinin hesabına formalaşdı.