Braziliyada gənc bir qadını metro stansiyasında bir şəxs platformaya daxil olan qatarın önünə itələyib.
Mynews.az Milli.Az-a istinadən xəbər verir ki, San Pauloda yaşanan olayda relslər arasındakı boşluğa düşən gənc qadın inanılmaz bir şəkildə sağ qalıb.
Yaralanan qadın xəstəxanaya çatdırılıb. Onu itələyən adamsa səlahiyyətlilər tərəfindən saxlanılaraq polisə təhvil verilib. Əqli qüsurlu olduğu düşünülən şəxs ifadəsi zamanı "Şeytanın əmrini yerinə yetirdim" deyib.
Həkimlərin nəzarətə götürdüyü gənc qadının vəziyyətinin yaxşı olduğu deyilir.
