Əfqanıstanda bir qrup yaraqlı paytaxt Kabilin hərbi akademiyasına hücum edib. Hazırda terrorçularla təhlükəsizlik qüvvələri arasında atışma gedir. Binanın ərazisində partlayış səsləri eşidilir.
Mynews.az Oxu.Az-a istinadən xəbər verir ki, bu barədə “Tolo News” telekanalı məlumat yayıb.
Kabil şəhər rəhbərliyi səhər saatlarında bir qrup naməlum silahlının Marşal Fəhim adına Milli Müdafiə Universitetinə basqın etdiyi faktını təsdiqləyib.
Hal-hazırda təhlükəsizlik qüvvələri akademiyaya aparan bütün yolları bağlayıb. Zərərçəkənlər və itkilər barədə məlumat yoxdur.
