Tbilisinin “Varketili” metrostansiyasında platforma üzərindəki asma tavanın bir hissəsi sərnişinlərin üzərinə uçub.
Mynews.az Oxu.Az-a istinadən xəbər verir ki, bu barədə “Rustavi 2” telekanalı məlumat yayıb.
İnsident yanvarın 30-da, səhər saatlarında baş verib. “Rustavi 2” telekanalı yeddi nəfərin xəsarət aldığını, “Sputnik” (Gürcüstan) isə yaralı sayının 11 olduğunu bildirir.
Hadisə yerinə şəhərin meri Kaxa Kaladze gəlib. Kaladze bütün günahkarların tapılaraq cəzalandırılacağını vəd edib. Günün sonuna kimi “Varketili” stansiyasının bağlı qalacağı bildirilir. Stansiyada hazırda araşdırma aparılır.
Qeyd edək ki, qəzanın baş verdiyi stansiyada təmir işləri 2017-ci ilin avqust ayında yekunlaşıb. Asma tavanın məhz həmin vaxt inşa edildiyi bildirilir.
