Türk xalq mahnılarının məşhur ifaçısı Yusuf Harputlunun böyük qardaşı Nihat Gezer xəsarət yetirmə və qanunsuz silah gəzdirmə iddiaları ilə 13 il 6 ay 22 gün azadlıqdan məhrum edilib.
Mynews.az Habertürk-ə istinadən xəbər verir ki, Nihat Gezer eyni binada yaşadığı qonşusu Hasan Parını öldürüb, oğlunu isə ağır yaralayıb.
TƏFƏRRÜAT
Eyni binada qalan Hasan Parın yuxarı mərtəbədə yaşayan Nihat Gezerə "Yuxarıdan zibil atmayın, paltarlar kirlənir" deyib. Zibil atmadığını söyləyən Gezer ilə Parın arasında mübahisə düşüb. Nifrətə çevrilən mübahisə olay günü təkrarlanınca davaya dönüb. 2016-cı ilin 20 iyun günü gecə yarısı Gezer və Parın ailələri arasında yaşanan dava zamanı Nihat Gezer qanunsuz saxladığı silahı ilə Hasan Parın və oğlu Burak Parına atəş açıb.
Ağır yaralanan 49 yaşlı Hasan Parın xəstəxanaya aparılarkən yolda ölüb. Hadisə yerindən qaçan Nihat Gezer 22 gün sonra Kadıköydə saxlanılıb.
Hadisə zamanı oğul Burak Parın da yaralanıb.
